2010年12月26日司會禱告文

阮佇天裡ㄟ父阮ㄟ主,今仔日是2010年ㄟ最後ㄧ個主日,感謝你攏時時看顧阮引導阮,互阮無論佇什麼所在,佇什麼款ㄟ環境,攏通得主你ㄟ保守,安然經過每ㄧ天。今阮今仔日又格到主你ㄟ聖殿內面,阮要佇這獻上阮ㄟ感謝,也要對阮這ㄧ年來所不知犯ㄟ罪,來求你赦免,求主你來洗清阮ㄟ罪,求主你來引導阮頭前要行ㄟ路,互阮在未信主ㄟ人面前來發光,互因知,信靠主是多多有福氣ㄟ。

阮佇天裡ㄟ父阮ㄟ主,今年是阮教會尚歡喜的年,因為阮有新裝潢ㄟ聖殿,除了獻互主你以外,阮也要用感謝嘔咾ㄟ心,來歸榮光互你,總是阮也有不足ㄟ所在,這是阮自己所監查不到ㄟ所在,阮一直誤用自己ㄟ智慧,來表示是主ㄟ旨意,主啊,懇求你赦免阮所不足,阮不知阮ㄟ智慧是由主你蝦來,因為主你ㄟ賞賜,才互阮有智慧來求進步,來分別好壞,來疼惜別人,互相關懷。主啊,阮相信,蝦ㄟ智慧不開ㄟ人,因為有主你ㄟ疼惜,互因ㄟ凍歡喜無繁無勞經過每一天,阮相信因ㄟ福氣,要甲贏在有智慧ㄟ人。主啊,你ㄟ旨意是阮無法度測度也,但阮相信,主你聽阮ㄟ祈禱,佇阮所行所做,你的確保守看顧甲幫助,因為主你拜講:你莫得驚惶,因為我及你相及佇在,莫的孔頁,因為我是你的上帝。我的確堅固你,我的確幫助你,我的確用我公義的正手扶持你(以
賽亞41:10)阮佇天裡ㄟ父阮ㄟ主,今仔日是今年尚尾一天ㄟ主日,懇求主你來為阮賜福,互阮佇明年ㄟ開始,攏有滿面ㄟ光彩,互阮ㄟ煩惱,在主眷顧中,得到討放,互阮ㄟ欠缺,在主賜福中,攏有夠用,阮也要時時哇靠你,因為你是我一生ㄟ主宰,今仔日雖然有人無法度來到主你ㄟ聖殿內面,甲主你相及聚集,馬懇求

主你賜福佇因ㄟ身上。阮阿呢祈禱懇求甲感謝攏是奉主耶穌聖尊名,啊們。