2011年01月16日司會禱告文

阮在天理ㄟ父阮ㄟ主,感謝你格顧守阮經過ㄧ禮拜久ㄟ時間,這ㄧ禮拜中間,天氣ㄟ變化互阮感受到冬天ㄟ威嚴,總是在主你顧守裡面,攏互阮沒受損害,你由原互阮領受這塊土地所產生ㄟ五穀,互妖得到飽,互欠缺得到充足,阮攏要ㄟ呢來感謝主。

阮在天理ㄟ父阮ㄟ主,阮是你所揀選ㄟ子兒,阮所面對ㄟ生活馬是甲ㄧ搬人同款,阮有生苦病痛的肉體,馬愛為生活及生命來打拼,總是無每ㄧ個人攏同款那麼順利如意,有人失業,有人為三噸走總,這些人有可能是阮ㄟ朋友,馬有可能是阮ㄟ親人,這些人攏需要多多人ㄟ幫贊,總是阮馬看見有多多人對這些需要關心人,失去因ㄟ疼心及關懷,ㄚ呢阮就不配通稱就是你ㄟ子兒,阮就無榮光你ㄟ名,阮就ㄟ互別人看輕。懇求主你,互阮佇今年ㄟ開始,來改變阮自己,ㄟ凍聽你ㄟ教示,來照ㄚ呢行,因為主你講【憐憫人ㄟ人有福氣,因為因要得到憐憫】,格講【互人的比對提ㄟ人卡有福氣】。

阮在天理ㄟ父阮ㄟ主, 阮相信阮ㄟ身邊有多多你所派ㄟ天使來照顧阮,阮也相信阮自己只要用全然ㄟ心來偎靠你,全心全意來向主你祈求,的確ㄟ凍得到,因為主你有應允阮講【見若恁所祈禱來求ㄟ,著信是已經得到,就要互恁成】,感謝主你極大ㄟ恩典,也感謝你佇天氣寒冷ㄟ今仔日,互阮格聚集來到你ㄟ聖殿裡面,相及敬拜主你,懇求主你賜福每ㄧ位屬你ㄟ子兒,互每ㄧ個稱主你聖尊名ㄟ人,也照你ㄟ話行ㄟ人,攏福氣滿滿,阮ㄚ呢懇求祈禱甲感謝,攏是奉主耶穌聖尊名,啊們。