2011年07月24日司會禱告文

阮佇天裡ㄟ父阮ㄟ主，感謝祢隔一拜引導阮來到佇祢ㄟ聖殿裡面相及敬拜嘔咾祢，阮也要感謝主祢賞賜互阮有福氣及恩賜，ㄟ棟在聖殿裡面看見阮所敬疼的兄弟及親愛的姊妹，這種福氣ㄟ恩賜，攏要成做主你所講ㄟ話，在主ㄟ裡面攏要成為一家人。單此時懇求你安靜阮ㄟ心，互阮佇你ㄟ聖殿內面，敬拜嘔咾祢。

阮佇天裡ㄟ父阮ㄟ主，感謝祢揀選阮成作祢ㄟ子兒，互阮ㄟ福氣比別人格卡多，祢愛阮去普天下傳福音，祢愛阮做光作鹽，來引導多多人就近祢，總是阮感覺在這現在ㄟ社會頂高，阮格卡愛親像一桶登甘密甜ㄟ油，來使人甲人ㄟ關係，格卡順格卡滑，也互就近阮也，ㄟ凍感受阮這種ㄟ登甘密甜。主啊，因為阮是你所揀選ㄟ子兒，阮所行所做攏是要表現祢ㄟ行為，阮愛親像一桶登甘密甜ㄟ油，互就近阮ㄟ人來看見疼心，互哇靠阮ㄟ人得到關懷，互甲阮鬥陣ㄟ人感受喜樂。主啊， 阮甲別人攏同款，阮只是有祢ㄟ生命佇阮ㄟ內面，阮也要成為別人ㄟ天使，為憂傷ㄟ人祈禱，甲痛苦ㄟ人分擔，替歡喜ㄟ人嘔咾。主啊，懇求你互阮成為一位好ㄟ天使，來時刻陪伴每一個人，幫助阮成為一位好ㄟ天使，來分擔每ㄧ個人ㄟ苦難，來分享每一個人ㄟ榮耀。

阮佇天裡ㄟ父阮ㄟ主，今仔日有人還沒來到祢ㄟ聖殿內面，因有可能還在為生活打拼走種，因馬有可能為家庭事務操勞，因馬有可能身體不方便，總是阮相信因馬有為因自己ㄟ代志祈禱，懇求主你賜福每一位敬畏祢ㄟ人，幫助因ㄟ欠缺，使因攏夠額，也 懇求主你格將萬事ㄟ平安及豐富ㄟ喜樂賞賜互阮，互阮ㄟ凍幫助人，也ㄟ凍榮光祢。

阮啊呢祈禱懇求甲感謝，攏事奉主耶穌基督聖尊名，啊們。