阮佇天裡ㄟ父阮ㄟ主，感謝你閣一擺引導阮來到佇你ㄟ聖殿內面，相及聚集敬拜
你，也感謝你顧守阮經過一禮拜久ㄟ時間，互阮佇這一禮拜中，無論度對什米款
ㄟ代志，你攏互阮平安順事經過，阮感謝主你賞賜恩典滿滿佇阮ㄟ身軀頂，也感
謝主由原互阮享受對幸福及快樂ㄟ日子，阮佇今仔日要來嘔咾你，阮佇今仔日要
來感謝你，願阮今仔日ㄟ敬拜，攏通成做你所歡喜。
阮佇天裡ㄟ父阮ㄟ主，台灣ㄟ經濟環境及景氣漸漸衰退，阮有通時不知明仔在ㄟ
變做什米款，因為阮無智慧來互台灣ㄟ經濟及景氣格卡好，地使互多多人生活陷
入艱苦，主啊，助阮來依靠你。
阮ㄟ主阮ㄟ父，懇求你互拱人通達，互因通得到主你ㄟ智慧，互因無靠自己ㄟ力
量來違背主你ㄟ旨意，懇求主你施行公義在這塊土地，互因格卡有智慧來做出人
民有意義ㄟ代志，互因知猶原要依靠你。
阮佇天裡ㄟ父阮ㄟ主，雖然阮有多多人ㄟ生活陷入艱苦裡面，總是阮懇求你來牽
阮ㄟ手，互阮有智慧從困苦ㄟ環境中走出來，互阮佇每一天ㄟ生活中間，體會到
主你為阮所做ㄟ，因為阮攏是要依靠你。
主啊，阮知，人ㄟ智慧無法度卡贏你ㄟ智慧，人ㄟ氣力無法度卡贏你ㄟ氣力，阮
知，與主你交通就是阮ㄟ祈禱，懇求你憐憫阮，疼惜阮，阮將阮ㄟ重擔交互你，
互阮及阮ㄟ家庭攏無得到被經濟所傷害，因為阮決意要依靠你。
所以我要勇敢向主你來求討，主啊，你有法度互死人格活，我相信你同款ㄟ互阮
佇每一個痛苦ㄟ生活中走出來，所以我要佇你面前謙卑我自己，順服佇你，因為
我要依靠你。
按呢我就ㄟ凍對困難中得到恩賜及福氣，按呢就ㄟ凍對痛苦中享受幸福及美滿ㄟ
生活，我相信你所賞賜互阮ㄟ萬項事攏是好ㄟ，那些艱難ㄟ變做阮ㄟ智慧，那些
困苦生活，也變做我永遠ㄟ福氣，只要專心依靠你。
阮佇天裡ㄟ父阮ㄟ主，你按呢講：我也欲互因加添多多，不致減少，互因尊貴，
不致卑微。（耶利米書30張19節），所以阮知阮也明白，你所講ㄟ話不是安慰阮，
是愛阮尊趁你，依靠你，只要阮用心與主你交陪，阮就ㄟ得到你極大ㄟ恩賜，
親像你ㄟ話所講明：我用永遠的疼，疼你，因為按呢我用慈愛牽你。（耶利米書31
章3節）
阮這些有罪ㄟ人佇你面前祈禱，懇求你赦免，懇求你接納，阮按呢懇求甲感謝，
攏是奉主耶穌基督ㄟ聖名，阿們。
沒有留言:
張貼留言