2010年03月28日司會禱告文

阮佇天理ㄟ父阮ㄟ主，感謝你格一擺引導阮，來到佇你ㄟ聖殿裡面，相及聚集敬拜嘔咾你，阮也要感謝主，你格賞賜互阮平安經過一禮拜久ㄟ時間，佇在一禮拜久耶時間，阮有為被主恩召ㄟ兄姐來孝念及告別，因為主你有美好ㄟ旨意來息因在世間ㄟ勞苦，阮ㄟ相信，主你ㄟ疼痛，由原也不離開因在世間ㄟ親人，阮格甲相信，在將來阮攏要在你ㄟ國度內面，相及聚集，願主你賜福，互見那因信靠你ㄟ名所活著ㄟ人，祝福因在每一個所在。

 

阮佇天理ㄟ父阮ㄟ主，今阮格相及聚集在你ㄟ聖殿裡面，阮要在你ㄟ聖殿裡面讚美你敬拜你，因為阮有對你些來領受智慧，來建造一個新又格水ㄟ聖殿，這個聖殿裡面，有阮所有會友ㄟ奉獻，有阮所有會友ㄟ祈禱及所有會友ㄟ信心，這ㄟ聖殿也要成做阮教會設教25週年所要奉獻互主ㄟ聖殿， 阮要在此甲所有人來分享，來播揚主你上大奇妙ㄟ做為及神蹟。雖然教會擴堂ㄟ工程還沒完成結束，雖然有部分ㄟ阻礙及困難，懇求主你保守互阮所做的一切，格甲順事，互所有ㄟ工作，早一日來完成。主啊，阮還有做不夠額ㄟ所在，總是懇求主你來賜福，互那些因你ㄟ聖殿所勞碌，辛苦付出ㄟ人，不論是主你ㄟ奴僕，也是那些為生活打拼ㄟ工人，願主你攏賜福因，互辛苦用心為你付出ㄟ人，攏ㄟ通得到主你上大的報賞。

阮佇天理ㄟ父阮ㄟ主，阮ㄟ教會格不哪久就要慶祝社教25週年，懇求你保守阮為你所要奉獻ㄟ心及所備辦ㄟ報楊，互阮ㄟ教會在此社區成為光及鹽，互失迷ㄟ人就近你，互尋平安ㄟ人親近你，互因攏通得到你所賜ㄟ活命，來歡喜快樂。

阮阿呢懇求及感謝，攏是奉主耶穌ㄟ聖尊名來求及感謝，阿門。