2009年12月26日司會禱告文

阮佇天裡ㄟ父阮ㄟ主，感謝你賞賜互阮有一個新ㄟ日子，佇今仔日阮又格聚集來到佇你ㄟ聖殿內面，嘔咾敬拜你，也要聽你對牧者ㄟ嘴所講出來ㄟ話，來得到心靈ㄟ米糧，互阮ㄟ靈命得到格卡強ㄟ信仰，有對你堅定ㄟ信心，來面對每一天所要佇阮頭前的引誘及試煉。

阮佇天裡ㄟ父阮ㄟ主，今年又格沒多久就要過去，感謝你佇365天裡面，攏無離開阮，因為阮知阮所行所做ㄟ，攏佇在你看顧甲引導裡面，互阮佇憂傷中得到鍛鍊，佇歡喜中得到恩典。阮要時時感謝你。

當阮失志ㄟ時，你互阮找到你，你愛阮佇這時休息，通補足到額精神向前邁進。

當阮軟弱ㄟ時，你有聽阮ㄟ祈禱，你愛阮吞忍等候，通得到你ㄟ賞賜。

當阮生活面對挑戰時，你互阮有通依靠，你愛阮為那些不歡喜人祈禱，通得到你ㄟ祝福。

主你講：我鍛鍊你亦母是親像銀，你佇苦難的火爐中，我揀你。

（以賽亞書48章10節）

懇求主你賞賜互阮，有夠額ㄟ信心，來互阮離開失志，有堅定ㄟ向望，來互軟弱變剛強，有富足ㄟ愛心，來互艱苦變成福氣。

阮佇天裡ㄟ父阮ㄟ主，自早到丹，阮攏是你手中的寶貝，因為阮看見有人得到主最大賞賜及福氣，因ㄟ生活有得到快樂，這些恩典攏是你為阮備辦，阮知你攏無離開阮，只要阮呼求你ㄟ名，你就要在阮身邊，阮相信阮是你命中註定ㄟ子兒。懇求主你保守阮格來新ㄟ一年，也互阮ㄟ教會在擴堂時，所欠ㄟ用ㄟ攏到額，互阮教會自牧者到你所屬子兒，隴通得到主你尚大ㄟ賜福。

阮阿呢懇求祈禱甲感謝，隴是奉主耶穌基督聖尊名來求，啊們。