2012年06月03日司會禱告文

阮佇天裡ㄟ父阮ㄟ主，感謝祢格一擺引導阮來到祢ㄟ聖殿內面相及敬拜，也感謝祢ㄟ保守，互阮平安經過一禮拜ㄟ久時間，在阮ㄟ生活上互阮平安，在阮ㄟ工愧上互阮順勢，也互阮ㄟ經濟上無欠缺，感謝主祢互阮所領受攏是祢滿滿ㄟ恩典。

阮佇天裡ㄟ父阮ㄟ主，當你創造萬物ㄟ時，人所得ㄟ就是由祢那所領受，阮愛感謝上帝祢所互阮ㄟ萬物。阮也相信當主被釘十字架時，祢所講就是愛阮彼此相疼，所以凡若是主祢ㄟ子兒，阮就愛彼此相疼。總是人是帶罪出世，每一個人攏不是聖人，因為阮親像彼得三次不認主一樣，嘴叫主ㄟ名，卻是不行主ㄟ名。主祢講：憐憫喪鄉人的，就是借互耶和華；總是阮知主祢教示，只是阮無法度有那大方做出這種ㄟ行為，因為人是自私，因為人ㄟ心攏不再胸抗ㄟ中央，所以主啊，懇求祢赦免我，也赦免及我同款有自私ㄟ人，因為阮攏是為自己。

阮佇天裡ㄟ父阮ㄟ主，當社會環境變遷，成做一個基督徒ㄟ阮，有引導人及幫助人ㄟ本分，懇求祢加添阮這份ㄟ信志，互阮面對親成ㄟ是朋友，或者是生分人，佇因困難ㄟ時，伸手幫助，佇因痛苦ㄟ時，用心關懷，互阮ㄟ凍將祢ㄟ話放在心肝底： 憐憫喪鄉人的，就是借互耶和華；伊欲照伊所行的好事來還伊。(箴言19:17)

阮佇天裡ㄟ父阮ㄟ主，感謝祢聽阮ㄟ祈禱，也懇求祢格將所有ㄟ，互阮領受，恩典是阮ㄟ身軀，喜樂是阮ㄟ心， 阮ㄟ目揪就是關懷， 阮ㄟ嘴就是福音，阮ㄟ雙手是福氣，阮相信當阮備辦這領受時，阮就ㄟ凍親像祢互彼得ㄟ恩典一樣，得到人親像得到魚。

阮阿呢祈禱懇求感謝,攏是奉主耶穌基督聖尊名求,阿們!